इयत्ता पहिली, दुसरीचा अभ्यासक्रम बदलणार -शालेय शिक्षण मंत्री वर्षा गायकवाड
नाशिक ( Nashik ): राज्याच्या शालेय शिक्षण मंत्री वर्षा गायकवाड (State's School Education Minister Varsha Gaikwad ) आज नाशिकच्या दौऱ्यावर आहेत. वर्षा गायकवाड यांनी नाशिकमध्ये (Vaisha Gaikwad In Nashik) महत्त्वाची माहिती दिली आहे. आगामी काळात पहिली आणि दुसरीचा अभ्यासक्रम ( First And Second Standard Syllabus Change) बदलणार असल्याचे गायकवाड यांनी सांगितले आहे.
आंतरराष्ट्रीय आणि सीबीएसईच्या (CBSE) धर्तीवर जिल्हा परिषदेच्या शाळांमधून शिक्षण देणार असल्याचं वर्षा गायकवाड म्हणाल्या. नेताजी सुभाषचंद्र बोस, महात्मा गांधी आणि सरदार वल्लभभाई पटेल यांच्या नावाववरून वाद निर्माण केला जातो, त्यामुळे मुलांना थोर पुरुषाच्या इतिहासाची ओळख करून दिली जाणार असल्याचं वर्षा गायकवाड म्हणाल्या. दुसरीकडे ग्लोबल पुरस्कार विजेते रणजितसिंह डिसले यांना अमेरिकेत जाण्यासाठी आवश्यक असणारी रजा मंजूर करण्याचे आदेश वर्षा गायकवाड यांनी दिले आहेत. पहिली दुसरीच्या अभ्यासक्रमातील बदलानंतर नवा अभ्यासक्रम कसा असेल हे पाहावं लागणार आहे.
शाळांमध्ये ग्रंथोत्सव आणि शिक्षण उत्सव सुरू करणार असल्याची माहिती वर्षा गायकवाड यांनी दिली. शालेय शिक्षण विभाग प्रत्येक घराशी सबंधित विषय आहे. शाळांमध्ये शनिवार हा पुस्तक विरहित असावा,छंद जोपासण्यासाठी वेळ देणार असल्याचं वर्षा गायकवाड म्हणाल्या आहेत.