ब्रम्हपुरी : शाळेत जाण्याची तयारी करत असताना एका १० वर्षीय मुलाचा हृदयविकाराच्या तीव्र झटक्याने मृत्यू झाल्याची धक्कादायक घटना जिल्ह्यातील देलनवाडी येथे घडली. ईशान सत्यपाल आत्राम ( Ishan Satyapal Atram) असे या विद्यार्थ्याचे नाव असून तो ब्रम्हपुरी येथील लोकमान्य टिळक प्राथमिक विद्यालयात इयत्ता चौथीत शिक्षण घेत होता.
माहितीनुसार, ईशान नेहमीप्रमाणे सकाळी उठून शाळेसाठी तयारी करत होता. आंघोळ करून गणवेश परिधान करत असतानाच सकाळी सुमारे ७ वाजता त्याला अचानक तीव्र हृदयविकाराचा झटका आला आणि तो खाली कोसळला. ही घटना पाहून कुटुंबीय घाबरले आणि त्यांनी तातडीने त्याला रुग्णालयात दाखल केले.
डॉक्टरांकडून उपचार सुरू असतानाच त्याचा मृत्यू झाला. डॉक्टरांनी मृत घोषित करताच कुटुंबावर दुःखाचा डोंगर कोसळला. एवढ्या लहान वयात हृदयविकाराचा झटका आल्याने परिसरातही आश्चर्य आणि हळहळ व्यक्त होत आहे.
कमेंट बॉक्समध्ये कोणत्याही लिंकचा प्रचार करू नका, बातम्यांशी संबंधित कमेंट करा.