तलोधी (प्रतिनिधी): तलोधी परिसरात एक धक्कादायक घटना घडली असून वाघाच्या हल्ल्यात एका महिलेचा मृत्यू झाला आहे. सौ. प्रेमिला अरुण वाडगुरे (राहणार तलोधी) या महिलेवर दबा धरून बसलेल्या वाघाने अचानक हल्ला केला. या भीषण हल्ल्यात त्या जागीच ठार झाल्या. (TIGER ATTACK NEWS TALODHI)मिळालेल्या माहितीनुसार, सौ. वाडगुरे या नेहमीप्रमाणे शेताच्या दिशेने गेल्या असताना जंगलालगत दबा धरून बसलेल्या वाघाने त्यांच्यावर झडप घातली. हल्ला इतका अचानक आणि तीव्र होता की त्यांना स्वतःचा बचाव करण्याची संधीही मिळाली नाही.
घटनेची माहिती मिळताच स्थानिक नागरिकांनी घटनास्थळी धाव घेतली. वनविभाग आणि पोलीस प्रशासनालाही याची तात्काळ माहिती देण्यात आली. वनविभागाच्या पथकाने घटनास्थळी पोहोचून पंचनामा सुरू केला आहे.
या घटनेमुळे तलोधी आणि परिसरात भीतीचे वातावरण निर्माण झाले असून नागरिकांमध्ये घबराट पसरली आहे. वारंवार होत असलेल्या वन्यप्राण्यांच्या हल्ल्यामुळे ग्रामस्थांनी प्रशासनाकडे तातडीने उपाययोजना करण्याची मागणी केली आहे.
कमेंट बॉक्समध्ये कोणत्याही लिंकचा प्रचार करू नका, बातम्यांशी संबंधित कमेंट करा.