सिंदेवाही: तालुक्यातील मेंन्ढा (माल) गावाशेजारच्या जंगलात तेंदूपत्ता गोळा करण्यासाठी गेलेल्या तीन महिलांना चारगाव जंगलात वाघाने जागीच ठार केले. सिंदेवाही शहरापासून 3 किलोमीटर अंतरावर असलेल्या मेंढा-माल गावातील या महिला गावातील अन्य महिलांसह तेंदूपत्ता तोडायला जंगलात गेल्या होत्या. दुपार झाली तरी महिला घरी परत न आल्याने शोध घेण्यात आला. वनविभाग आणि स्थानिक गावकऱ्यांनी शोध घेतल्यावर तिघींचे मृतदेह आढळल्याने मोठी खळबळ उडाली आहे. सदर घटना आज दिनांक 10/5/2025 रोज शनिवारला अंदाजे 10 वाजताच्या सुमारास मेंन्ढा माल गावाशेजारच्या जंगलात तेंदूपत्ता तोडणाऱ्या गेलेल्या तीन महिलांना वाघाने जागीच ठार केले.
सविस्तर वृतात : उन्हाळा सुरू झाल्याने तेंदूपत्ता चा हंगाम चालू आहे, त्याकरिता महिला व पुरुष जंगलात जाऊन तेंदूपत्ता गोळा करीत आहे. आज दिनांक 10/5/2025 रोज शनिवारला मेंन्ढा माल ता. सिंदेवाही तेंदूपत्ता गोळा करण्यासाठी गेल्या होत्या. त्याठिकाणी दबा धरून बसलेल्या वाघाने तीन महिलांना जागीच ठार केले.
मृतक महिलांमध्ये सासू-सुनेचा समावेश, कांता बुधाजी चौधरी (65-सासू), शुभांगी मनोज चौधरी (28-सून) आणि रेखा शालिक शेंडे (50) अशी मृतक महिलांची नावं आहेत. सर्व मृतक मेंढा-माल येथील रहिवासी, वनविभागाने मौका पंचनामा करून सर्व मृतदेह ताब्यात घेतले असून पोस्ट मॉर्टमसाठी सिंदेवाहीला रवाना करण्यात आले.
वाघाने केलेल्या हल्ल्यात तीन महिलांचा मृत्यू झाल्याने घटनास्थळी तातडीने कॅमेरा ट्रॅप लावण्यात आले आहेत. हल्ला करणाऱ्या वाघिणीचा शोध सुरू आहे. वाघाने केलेल्या हल्ल्यात एकाच वेळी 3 महिलांचा जीव जाण्याची जिल्ह्यातील किंवा राज्यातील ही पहिलीच घटना आहे. या घटनेमुळे परिसरात मोठी खळबळ उडाली असून घटनास्थळी मोठ्या प्रमाणात वनविभागाचे कर्मचारी दाखल झाले आहेत.
कमेंट बॉक्समध्ये कोणत्याही लिंकचा प्रचार करू नका, बातम्यांशी संबंधित कमेंट करा.