मुंबई इंडियंस (Image Source :X (Twitter) )
IPL 2024 MI vs PBKS: हार्दिक पांड्या मुंबईचा कर्णधार झाल्यापासून चाहत्यांना तो आवडत नाही. संघातील खेळाडूही कर्णधार हार्दिकला साथ देत नसल्याच्या बातम्या पसरत होत्या. आता असा एक व्हिडिओ सोशल मीडियावर व्हायरल होत आहे, जो पाहून तुम्हालाही हे सांगायला भाग पडेल की मुंबईच्या खेळाडूंनाही हार्दिक पांड्या कर्णधार म्हणून आवडत नाही.
व्हायरल होत असलेला व्हिडिओ दुसऱ्या डावाचा म्हणजेच मुंबईच्या गोलंदाजी दरम्यानचा आहे, जेव्हा पंजाब किंग्जला शेवटच्या षटकात विजयासाठी 12 धावांची गरज होती. या कालावधीत पंजाब किंग्जने 9 विकेट गमावल्या होत्या. मुंबईसाठी शेवटचे षटक टाकण्याची जबाबदारी आकाश मधवालकडे आली. पण षटक सुरू होण्यापूर्वी आकाश कर्णधार हार्दिक पांड्या आणि माजी कर्णधार रोहित शर्मा सोबत उभा राहून बोलतांना दिसत आहे.
पण जर तुम्ही या संवादाचा व्हिडिओ काळजीपूर्वक बघाल तर तुम्हाला कळेल की आकाश मधवालचे लक्ष फक्त रोहित शर्माच्या बोलण्याकडे आहे. कर्णधार हार्दिक पांड्या पुढे काय बोलतो याकडे तो लक्ष देत नाही. एवढेच नाही तर संपूर्ण संभाषणात आकाशने हार्दिक पांड्याकडे ढुंकूनही पाहिले नाही. म्हणजेच आकाशने कॅप्टन हार्दिककडे पूर्णपणे दुर्लक्ष केले असे निश्चितच म्हणता येईल.
व्हिडीओ पाहून असे वाटत होते की, आकाश ओव्हर सुरू होण्याआधी फिल्डिंग लावण्याबाबत बोलत आहे. पण क्षेत्ररक्षण सेट करण्यासाठी गोलंदाज कर्णधाराशी बोलतात, पण इथे आकाशने कॅप्टन पांड्याकडे पूर्णपणे दुर्लक्ष केले.
During last over Akash Madhwal ignored hardik and listening to Ro and setting the Field 😂😂pic.twitter.com/fm9K5OIhyb
— Manojkumar (@Manojkumar_099) April 18, 2024
मुल्लानपूर येथे झालेल्या सामन्यात मुंबई इंडियन्सने प्रथम फलंदाजी करताना 20 षटकांत 7 बाद 192 धावा केल्या. संघासाठी सूर्यकुमार यादवने ५३ चेंडूंत ७ चौकार आणि ३ षटकारांसह ७८ धावांची सर्वात मोठी खेळी खेळली. त्यानंतर लक्ष्याचा पाठलाग करताना पंजाब किंग्जचा संघ 19.1 षटकांत 183 धावांवर सर्वबाद झाला.
