सावली :- शेतात काम करीत असताना अचानक वाघाने हल्ला करून जागीच ठार केले. ही घटना सावली तालुक्यातील वाघोली बुटी येथे आज संध्याकाळी ४ वाजेच्या सुमारास घडली. या घटनेने सावली तालुक्यात पुन्हा एकदा खळबळ उडाली आहे.
वाघाच्या हल्ल्यात ठार झालेल्या महिलेचे नाव ममता हरीचंद्र बोदलकर वय (70 वर्ष) रा. वाघोली बुटी असं आहे. ममता बाई आज दुपारी आपल्या शेतात काम करण्यासाठी शेताकडे गेली होती. शेताच्या बांधावर काम करीत असताना दबा धरून बसलेल्या वाघाने अचानक हल्ला केला.वाघ सिताबाईच्या नरडीचा घोट घेत असल्याचे निदर्शनास आले. यात त्या जागीच गतप्राण झाल्या.
या घटनेची माहिती कळताच गावकऱ्यांनी शेताकडे धाव घेतली. तसेच सावली पोलिस व वनविभागाच्या कर्मचाऱ्यानी घटनास्थळी धाव घेत मृतक महिलेचे शव उत्तरीय तपासणीसाठी सावली येथील ग्रामीण रुग्णालयात दाखल केले.
सावली तालुक्यात वाघाच्या हल्ल्यात मनुष्यहानीचे प्रमाण दिवसेदिवस वाढतच असून याचे प्रमाण कमी होताना दिसून येत नाही.
कमेंट बॉक्समध्ये कोणत्याही लिंकचा प्रचार करू नका, बातम्यांशी संबंधित कमेंट करा.