चंद्रपूर:- चंद्रपूर येथे डॉक्टर चिद्दरवार रुग्णालयात अचानक प्रसूतीसाठी बुधवारी (दि. ८) सकाळी दाखल झालेल्या एका महिलेसह गर्भातच अर्भकाचा मृत्यू झाल्याची खळबळजनक घटना घडली. रुग्णालयात निष्काळजीपणा केल्याने माता आणि गर्भातच नवजात बाळाचा मृत्यु झाल्याचा आरोप महिलेच्या नातेवाईकांनी केला आहे.
बुधवारी (दि. ८) सकाळी दाखल झालेल्या महिलेला प्रसूती वेदना सुरू झाल्या. दरम्यान, उपचाराची फाईल हरवल्याने आणि चुकीच्या उपचारांमुळे प्रसूतीपूर्वीच महिलेचा व गर्भातच अर्भकाचा मृत्यू झाला. मोनिकाच्या मृत्यूनंतर तिच्या पोटात वाढणाऱ्या गर्भाचाही मृत्यू झाला.
ही घटना डॉक्टरांचे निष्काळजीपणामुळे घडल्याचा आरोप नातेवाइकांनी केला. उपचारादरम्यान कागदपत्रे हरवल्याने उपचारात हयगय झाल्याने मातेचा व बाळाचा मृत्यु झाल्याचा आरोप महिलेच्या नातेवाइकांनी केला. त्यानंतर रूग्णालय प्रशासनाने उपचाराची कागदपत्रे खोटी केल्याचा आरोपही केला आहे. प्रकरण तापत असल्याचे पाहून पोलिसांना रुग्णालयात पाचारण करण्यात आले.
मोनिका आयतवार नावाची गर्भवती महिला दुसऱ्यांदा गर्भवती म्हणून डॉक्टर ज्योती चिद्दरवार यांच्या रुग्णालयात पोहोचली होती. मात्र उपचार आणि कागदपत्रांमध्ये निष्काळजीपणामुळे त्यांना जीव गमवावा लागला. रुग्णाला बीपी आणि शुगरचा कोणताही त्रास नसल्याचा आरोप कुटुंबीयांनी केला आहे, तरीही डॉक्टरांनी त्याला हृदयविकाराचा झटका आल्याचा दावा केला आहे. सकाळी घडलेल्या या घटनेनंतर मृत महिलेच्या नातेवाइकांनी याप्रकरणी पोलीस ठाण्यात तक्रार दाखल केली आहे. पोलीस या बाबत काय कारवाई करतात याकडे लक्ष लागले आहे.
निष्काळजीपणामुळे मृत्यू झाला नाही:- डॉ.ज्योती चिद्दरवारगरोदर महिलेचा मृत्यू निष्काळजीपणामुळे झाला नाही. आमच्या बाजूने रुग्णाचे सतत निरीक्षण आणि उपचार चालू होते. प्रसूतीची तारीख ५ फेब्रुवारी निश्चित करण्यात आली होती, तरीही प्रसूतीला उशीर झाल्याने उपचार सुरू होते. उपचारांच्या कागदपत्रांमध्ये कोणतीही छेडछाड केलेली नाही. बीपी नॉर्मल होता. आमच्या बाजूने कोणतीही चूक झाली नाही. तिच्या वेदना वाढल्या, पण प्रसूतीपूर्वीच तिचा मृत्यू झाला. त्याला योग्य इंजेक्शन देण्यात आले आणि ऑक्सिजनही लावण्यात आला.
कमेंट बॉक्समध्ये कोणत्याही लिंकचा प्रचार करू नका, बातम्यांशी संबंधित कमेंट करा.