गडचिरोली : पोलीस अधिक्षक, गडचिरोली, यांचे साथरोग संदर्भाने आवश्यक उचित प्रतिबधात्मक उपाययोजना सुरु आहेत. २५ डिसेंबर २०२२ रोजी ख्रिसमस नाताळ व ३१ डिसेंबर २०२२ रोजी नववर्षाचे आगमन उत्सव साजरा केला जातो. तसेच १९ डिसेंबर पासून नागपूर हिवाळी अधिवेशन सुरु झाले आहे.
तसेच काही राजकीय पक्ष, संघटना व इतर नागरिक हे शासनाचे लक्ष वेधण्यासाठी धरणे, मोर्चे, आंदोलने, सभा, मिरवणूक, सार्वजनिक कार्यक्रम आयोजित करण्याची शक्यता असल्याने सदर कालावधीत कोणताही अनुचित प्रकार घडु नये, तसेच कायदा व सुव्यवस्था अबाधित राखण्याच्या दृष्टीने संपुर्ण गडचिरोली जिल्हयात २२ डिसेंबर २०२२ चे ००.०१ वा. ते ०५ जानेवारी २०२३ चे १२.०० वाजेपर्यंत महाराष्ट्र पोलीस अधिनियम,१९५१ चे कलम ३७(१) (३) संपूर्ण गडचिरोली जिल्हयात लागू करण्यात आले आहे. असे, जिल्हादंडाधिकारी, गडचिरोली यांनी कळविले आहे