 |
| Photo use news purpuse |
गोंदिया : एकतर्फी प्रेम प्रकरणातुन अल्पवयीन मुलीला बळजबरीने गाडीवर बसवून प्रपोज करणाऱ्या मजनूवर शहर पोलिसांनी विनयभंगाचा गुन्हा दाखल केला आहे. सदर घटना सोमवारी (दि. २९) घडली आहे.
शहरातील गांधी वॉर्डमधील आरोपी अमोल राजकुमार जैयसवारा (२७) याने शनिवारी सकाळी १०.३० वाजेच्या सुमारास सुभाष गार्डनच्या गेट समोरून एका १६ वर्षीय अल्पवयीन मुलीला आपल्या मोटार सायकलवर बळजबरीने बसवून मुर्री तलावाकडे नेले. मुर्री तलावाकडे नेउन आपली मोटारसायकल थांबवून त्या मुलीला मी तुझ्यावर प्रेम करतो, तू माझ्याशी बोलत का नाही, असे बोलून तिचा विनयभंग केला. या घटनेसंदर्भात त्या मुलीच्या तक्रारीवरून शहर पोलिसांनी आरोपी विरुद्ध कलम ३५४, ३५४ (ड) सहकलम ८, १२ बाललैंगिक अत्याचार अधिनियमअंतर्गत गुन्हा दाखल केला आहे.