Corona Update Maharastra: महाराष्ट्रात आज 1,045 नवीन कोरोना रुग्णाची नोंद झाली आहे. मुंबईत सलग दुसऱ्या दिवशी 700 हून अधिक नवीन कोविड-19 प्रकरणे नोंदवली गेली. दरम्यान, राज्यातील कोविड प्रकरणांमध्ये वाढ होत असताना मुख्यमंत्री उद्धव ठाकरे यांनी आज कोविड-19 टास्क फोर्सची बैठक बोलावली आहे. फेब्रुवारीनंतर प्रथमच, बुधवारी महाराष्ट्रात दररोज 1,000 हून अधिक कोविड -19 प्रकरणांची नोंद झाली.
दरम्यान गेल्या काही दिवसांत दैनंदिन कोरोना रुग्णांचे प्रमाण वाढत आहे, यापूर्वी 27 फेब्रुवारी रोजी दिवसभरात 782 कोरोना रुग्ण आढळून आले होते. (Corona Outbreak Maharastra )
राज्यात कोरोनाच्या नवीन रुग्णांची संख्या वाढत असाल्याने प्रशासने सर्व स्तरावर सतर्क राहण्याचे तसेच आवश्यक तयारी करण्याचे निर्देश दिले आहेत. कोरोनाची वाढती आकडेवारी चिंता वाढवणारी आहे. पुन्हा अशाच प्रकारे कोरोना रुग्ण संख्येत दिवसेंदिवस वाढ झाली तर महारष्ट्रात कोरोनाची (Corona Outbreak Maharastra ) चौथी लाट नक्कीच येऊ शकेल. त्यामुळे राज्यात पुन्हा एकदा मास्कसक्ती होण्याची शक्यता व्यक्त करण्यात येत आहे.
महाराष्ट्रात कोरोना आकडेवारी | महाराष्ट्रात कोरोनाची चौथी लाट:
- 30 मे → 441
- 31 मे → 711
- 01 जून → 1081
- 02 जून → 1,045
मुंबई कोरोना आकडेवारी | मुंबईत कोरोनाची चौथी लाट:
- 30 मे → 318
- 31 मे → 506
- 01 जून → 739
- 02 जून → 704
कोरोना टास्क फोर्सच्या गाईडलाईन्स:
- कोविड चाचण्या वाढवा - टेस्टिंग लॅब सुस्सज ठेवा
- १२ ते १८ वयोगटातील व्यापक लसीकरण मोहीम राबवा
- बुस्टर डोस सक्तीचा करावा
- जम्बो हॉस्पिटल तयार ठेवा पुरेसा स्टाफ नियुक्त करा
- वार्ड स्तरावर पुन्हा कोरोना वॉर रम उभारा
- वॉर्डनिहाय कोरोना रुग्णाचा दैनंदिन आढावा घ्या
- मालाडचं जम्बो कोव्हीड सेंटर हॉस्पिटल तयार ठेवा
