 |
| लतादिदींंना अखेरचा निरोप |
मुंबई : स्वरलता, गानकोकिळा, दैवी आवाजाची देणगी लाभलेली गानसरस्वरी अशा अक्षरशः शेकडो अद्वितीय विशेषणांनी नावाजलेल्या महान गायिका लता मंगशकर (Lata Mangeshkar) यांनी वयाच्या 92 व्या वर्षी या जगाचा कायमचा निरोप घेतला. मुंबईतील (Mumbai) ब्रीच कँडी रुग्णालयात (Breach Candy) 8 जानेवारीपासून त्यांच्यावर उपचार सुरु होते. मात्र, शनिवारपासून प्रकृती ढासळलल्यानं त्यांना व्हेंटिलेटरवर ठेवण्यात आलं होतं. मात्र अखेर त्यांची झुंज अखेर अपयशी ठरली असून या सूर सम्राज्ञीने या जगाचा निरोप घेतला. त्यांच्यावर शिवाजी पार्कवर शासकीय इतमामात अत्यंसंस्कार करण्यात आले. यावेळी मंगेशकर कुटुंबिय यांच्यासोबत पंतप्रधान नरेंद्र मोदी, आशा भोसले, मुख्यमंत्री उद्धव ठाकरे, राज ठाकरे, आदित्य ठाकरे उपस्थित होते.
हे देखील वाचा:
｜लता मंगेशकर यांच्या निधनामुळे दुखवटा, सोमवारी राज्यात सार्वजनिक सुट्टी जाहीर
गान सम्राज्ञी लता मंगशकर यांना कोरोना आणि न्यूमोनिया झाल्यानं त्यांच्यावर उपचार सुरू होते. मात्र त्यांची प्रकृती पुन्हा बिघडली होती त्यामुळे त्यांना व्हेंटिलेटरवर ठेवण्यात आलं होतं. डॉक्टरांच्या विशेष टीमच्या देखरेखीखाली त्यांच्यावर उपचार सुरू होते. डॉ. प्रतीत समदानी (Dr. Pratit Samdani) यांनी लता मंगेशकर यांच्या प्रकृतीविषयी माहिती दिली होती. मात्र अखेर त्यांची झुंज अखेर अपयशी ठरली असून त्यांनी या जगाचा निरोप घेतला. लता मंगेशकर यांच्या निधनामुळं दोन दिवसांचा राष्ट्रीय दुखवटा जाहीर करण्यात आला आहे.
हे देखील वाचा:
｜भारतरत्न लता मंगेशकर अनंतात विलीन! सर्वांच्या डोळ्यात अश्रू..
लता मंगेशकर यांच्या जाण्याने सर्व विश्वाला दुःख झाले आहे. लता मंगेशकर आज जरी आपल्यामध्ये नसल्या तरी त्या स्वरांच्या माध्यमातून आपल्या आठवणीत राहतील. अशा भावना व्यक्त करत अनेक मान्यवरांनी त्यांना श्रद्धांजली वाहिली. भारतीय संगीत क्षेत्र नाही तर विश्वातील संगीत क्षेत्राचं नुकसान झाल्याची प्रतिक्रीया दिली. बॅालिवूड जगताला आपला स्वर्गीय आवाज देण्याऱ्या लतादीदींना महानायक अमिताभ बच्चन, सचिन तेेंडुलकर, मधुर भांडारकर, जावेद अख्तर, श्रद्घा कपूर यांनी प्रभूकुंज या निवासस्थानी जाऊन आदरांजली दिली.
