Chandrapur Covid Cases: जिल्ह्यात गत 24 तासात जिल्ह्यात 12 जणांनी कोरोनावर मात केली असून त्या रुग्णांना रुग्णालयातून सुटी देण्यात आली. तसेच 1 नवीन रुग्ण बाधीत झाला आहे. जिल्ह्यात सोमवारी मृत्यु संख्या शुन्य आहे. ( Chandrapur Covid )
आरोग्य विभागाकडून प्राप्त अहवालानुसार, बाधित आलेल्या रुग्णांमध्ये मुल येथे 1 रुग्ण आढळून आला असून चंद्रपूर महानगरपालिका क्षेत्र, चंद्रपूर, बल्लारपूर, सावली, गोंडपिपरी, राजुरा , चिमूर, ब्रह्मपुरी, भद्रावती, नागभीड, सिंदेवाही, पोंभूर्णा, वरोरा, कोरपना, जिवती व इतर ठिकाणी बाधित रुग्णांची संख्या शून्य आहे.
जिल्ह्यात आतापर्यंत एकूण बाधितांची संख्या 98 हजार 898 वर पोहोचली आहे. तसेच सुरवातीपासून आतापर्यंत बरे झालेल्यांची संख्या 97 हजार 201 झाली आहे. सध्या 130 बाधितांवर उपचार सुरू आहेत. आतापर्यंत 8 लाख 70 हजार 798 नमुन्यांची तपासणी करण्यात आली असून त्यापैकी 7 लाख 70 हजार 236 नमुने निगेटीव्ह आले आहेत. जिल्ह्यात आतापर्यंत 1567 बाधितांचे मृत्यू झाले आहे.