यवतमाळ ( Yavtmal Crime ) : यवतमाळ मधील राळेगाव येथील दुय्यम निबंधक कार्यालयात लिपिक पदावर कार्यरत असणाऱ्या महिलेकडे शरीर सुखाची मागणी करणाऱ्या माजी नगराध्यक्षाच्या पतीविरोधात गुन्हा दाखल करण्यात आला.
पीडित महिला राळेगावमधील सरकारी कार्यालयात लिपीकपदी कार्यरत असताना खरेदी व्यवहारात महिलेकडून काही चुका झाल्या. यासंदर्भात वरिष्ठांकडे तक्रार करण्यात आल्यानं महिलेवर निलंबनाची कारवाई करण्यात आली होती.
एके दिवशी प्रकाश खबाले याने महिलेला बोलावून घेत निलंबनाच्या कारवाईसह न्यायालयातील प्रकरण मागे घेतो, असं म्हणत तीन लाख रुपयांसह शरीर सुखाची मागणी केली. दरम्यान, पीडित महिलेने या प्रकरणी शहर पोलिस ठाण्यात तक्रार दिली असून गुन्हा दाखल करण्यात आला आहे.
