 |
| वडसा रेल्वे रेल्वेस्टेशनच्या जवळील रूळावर तरुणाने केली आत्महत्या |
Wadsa Suicide News / देसाईगंज: वडसा रेल्वेस्थानकातून सुटलेल्या गोंदिया – बल्लारशहा या पॅसेंजर रेल्वेगाडीसमोर स्वत : ला झोकून देत एका युवकाने आत्महत्या करण्याची घटना बुधवारी सकाळी १० वाजून ३० मिनिटाच्या सुमारास घडली. मृतकाचे नाव कार्तिक प्रदीप भंडारी ( रा. आरमोरी , वय २२ ) अस आहे. वडसा येथील बायपास रेल्वे फाटक ते हेटी यादरम्यान असलेल्या रेल्वेरुळांवर ही घटना सकाळी घडली.
(young-man-commits-suicide-on-track-near-wadsa-railway-station )
रेल्वेच्या सूत्रांकडून मिळालेल्या माहितीनुसार, रेल्वे रुळाजवळच त्याची मोटारसायकल उभी होती. गाडीतील पेट्रोल टाकीमधून पेट्रोल काढून खिशातील व सोबत असलेली कागदपत्रे, यात बँक पासबुक, खिशात असलेल्या १० पासून १०० रुपयांपर्यंतच्या नोटा त्या ठिकाणी जाळलेल्या होत्या. काही भाग न जळालेल्या कागदपत्रावरून ओळख स्पस्ट झाली. सदर युवकाला गाडीची नियोजित वेळ माहीत असावी. त्यानुसारच त्याने तिथे पोहोचून कागदपत्रांची जाळपोळ आधी केली. त्यानंतर वडसा रेल्वे स्टेशनवरून गाडी ( गोंदिया – बल्लारशहा पॅसेंजर ) सुटल्यानंतर तो सज्ज झाला आणि गाडी जवळ येताच त्याने स्वतःचे शरीर रुळांवर ठेवले. त्यामुळे त्याच्या शरीराचे तूकडे झाले. तरुणाने आत्महत्या का केली याच कारण सध्या अपस्टच आहे.
कमेंट बॉक्समध्ये कोणत्याही लिंकचा प्रचार करू नका, बातम्यांशी संबंधित कमेंट करा.