चंद्रपूर - पट्टेदार वाघाच्या हल्ल्यात महिला ठार
पोंभूर्णा:- पोंभुर्णा वनपरीक्षेत्राअंतर्गत येत असलेल्या कविठबोडी शेतशिवार सर्वे नंबर ५५ मध्ये पट्टेदार वाघाच्या हल्यात महिला ठार झाल्याची घटना आज दुपारी २:०० वाजताच्या सुमारास घडली. हि कसरगट्टा बिट वनक्षेत्र कक्ष क्रमांक ९२ नजीक घटना घडली.
हे नक्कीच वाचा: वडसा रेल्वे रेल्वेस्टेशनच्या जवळील रूळावर तरुणाने केली आत्महत्या
सविस्तर वृत्त असे की, कसरगठा येथील बेबिबाई हनुमान धोडरे वय ५५ वर्ष हि स्वत:च्या शेतात कापूस वेचण्ययाकरीता गेली असता दबा धरून बसलेल्या पट्टेदार वाघाने महिलेवर हल्ला चढवून महिलेला ठार केले.
घटनेची माहिती वनअधिकाऱ्यांना मिळताच अधिकारी घटनास्थळी दाखल झाले, व घटनेचा पंचनामा सुरू आहे. घटनास्थळी ए.सी.एफ. शर्मा, वनपरिक्षेत्र अधिकारी आम्रपाली खोब्रागडे, ठाणेदार धर्मेंद्र जोशी यांची उपस्थित होते.
सदर महिलेच्या पश्चात पती, मुलगा, सून, नातवंड असून धोडरे परीवारावर दुखःचे डोंगर कोसळले आहे.
कमेंट बॉक्समध्ये कोणत्याही लिंकचा प्रचार करू नका, बातम्यांशी संबंधित कमेंट करा.