 |
| ट्रॅक्टर खड्ड्यात उलटल्याने ट्रॅक्टर वरील दोन इसमांचा जागीच मृत्यू |
Gadchiroli Accident News - गडचिरोली:- देचली वरून छल्लेवाडाला जाणारा ट्रॅक्टर खड्ड्यात पडून उलटल्याने ट्रॅक्टर वरील दोन इसमांचा मृत्यू झाल्याची घटना आज सकाळी जिमलगट्टा पासून 2 किमी वर देचली रोड वर घडली आहे. मत्यू झालेल्या इसमांची नावे सुनील महेश अटकर रा. रसपल्ली व ट्रॅक्टर चालक अंकीत सिडाम रा. कोडसेलगुडम असे असून ट्रॅक्टर मालक हा तेलंगणा मधील असल्याची माहिती आहे. ( Tractor two Ismas died on the spot )
आज सकाळच्या सुमारास देचली येथे शेतीच्या कामावर असलेल्या फार्मर्ट्रक कंपनीचा ट्रॅक्टर काम आटोपून निघाला होता. जिमलगट्टा पासून 2 किमी अलीकडे असताना ट्रॅक्टर चालकाचे संतुलन जाऊन खड्ड्यात पडून उलटला. त्यामुळे ट्रॅक्टर चालक अंकित सिडाम व सुनील अटकर ट्रॅक्टर च्या खाली दबले गेले. त्यामुळे दोघांचा मृत्यू झाला. जिमलगट्टा येथील पोलिसांनी घटनास्थळी पोहोचुन घटनेचा पंचनामा केला आहे.
