 |
| चंद्रपूर मेडिकल कॉलेजच्या निर्माणाधिन इमारतीला भीषण आग |
चंद्रपूर: शासकीय वैद्यकीय महाविद्यालय पागल बाबा नगर स्थित निर्माणाधिन इमारतीला सायंकाळी भीषण आग लागली. ( Chandrapur city medical college huge fire ) हि घटना आज ५ रोजी सायंकाळी 7:30वाजताच्या दरम्यान घडली. रात्री ९.३० नंतरही आग आटोक्यात आली नव्हती. आतापर्यंत आठ सिलेंडरचा स्फोट झाले.
मेडिकल कॉलेज इमारत परिसरात कामगारांच्या झोपड्या असून सायंकाळी स्वयंपाक करते वेळी घरगुती गॅस सिलेंडर ( Gas Cylinder) चालू असताना लिक झाल्याने त्याचा मोठा स्फोट झाला, अचानक झालेल्या स्फोटाने कामगार सैरावैरा पळू लागले, मात्र आगीने रौद्र रूप धारण करीत दुसऱ्या झोपड्या पण यामध्ये जळल्या व त्यातील सिलेंडरचा स्फोट झाला.
हेही वाचा: सोयाबीन कापनीसाठी जाणाऱ्या मजुरांचे वाहन पलटून मोठा अपघात, एकाचा मृत्यू तर तिघेजण जखमी
आग लागल्यावर इमारतीच्या 2 किलोमीटर वरील परिसर स्फोटाने हादरून गेला. सदर आगीत 8 सिलेंडरचा स्फोट झाल्याची माहिती समोर आली आहे.
घटनास्थळी 4 अग्निशमन दलाच्या गाड्या पोहचल्या असून रामनगर पोलीस ठाण्याचे कर्मचारी सुद्धा घटनास्थळी दाखल झाले आहे. या घटनेत जीवित हानी किंवा काही कामगार जखमी झाले का? याची माहिती सध्या तरी अस्पष्ट आहे.