 |
| 15 वर्षीय मुलीवर तब्बल 29 जणांनी 8 महिने केला बलात्कार, 26 गिरफ्तार |
Dombivli Rape: महाराष्ट्रातील ठाणे जिल्ह्यात असलेल्या कल्याण डोंबिवलीमध्ये एका अल्पवयीन मुलीवर बलात्कार (Dombivli Rape Case) केल्याच्या आरोपाखाली पोलिसांनी आतापर्यंत 26 जणांना अटक केली आहे. इतर तिघांचा शोध सुरू आहे. पीडितेच्या तक्रारीच्या आधारे पोलिसांनी 29 जणांविरोधात बलात्काराचा गुन्हा दाखल केला आहे.
ठाणे पोलिसांनी सांगितले की, सर्व 29 आरोपींविरोधात कलम 376 (बलात्कार), 376 (एन), 376 (3), 376 (डी) (ए) आणि पोक्सो कायद्यानुसार गुन्हा दाखल करण्यात आला आहे. ठाणे पोलिसांनी या प्रकरणाचा तपास करण्यासाठी विशेष तपास पथक (SIT) स्थापन केले आहे.
ठाण्याच्या डोंबिवली परिसरात एका 15 वर्षीय मुलीवर कथितरित्या सामूहिक बलात्कार झाल्याची माहिती पोलिसांनी दिली. तिच्यावर किती लोकांनी बलात्कार केला, हे अल्पवयीन सांगू शकले नाही. बुधवारी पोलिसांनी या संदर्भात एफआयआर नोंदवून प्रकरणाचा तपास सुरू केला. गुरुवारपर्यंत 26 आरोपींना अटक करण्यात आली आहे.
हेही वाचा: Chandrapur Accident News: भावची भेट बहिणीसाठी ठरली शेवटची
एका पोलीस अधिकाऱ्याने सांगितले की, मुलीच्या मित्राने जानेवारी महिन्यात तिच्यावर लैंगिक अत्याचार केले आणि तिचा व्हिडिओ बनवला. मुलाच्या आणखी एका मित्राला हा व्हिडिओ मिळाला. या व्हिडिओच्या माध्यमातून त्याने मुलीला ब्लॅकमेल करण्यास सुरुवात केली. त्याने मुलीवर बलात्कारही केला. मुलीवर आठ ते नऊ महिने बलात्कार करत होता. पीडितेला रुग्णालयात दाखल करण्यात आले असून तिची प्रकृती आता स्थिर आहे.
पोलिसांनी आतापर्यंत 26 जणांना अटक केली आहे. या प्रकरणी पोलिसांनी दोन अल्पवयीन मुलांनाही ताब्यात घेतले आहे. त्याचीही चौकशी केली जात आहे. उर्वरित आरोपींच्या शोधात पोलीस पथक व्यस्त आहे. लवकरच उर्वरित आरोपींनाही अटक होईल अशी आशा पोलिसांनी व्यक्त केली आहे.
