Gadchiroli News: अखेर गडचिरोली जिल्हयात ओबीसींना 17 टक्के आरक्षण लागू…! ओबीसी आरक्षणाचा जीआर #OBCReservation - BatmiExpress.com

गडचिरोली जिल्हयात ओबीसींना 17 टक्के आरक्षण लागू

Gadchiroli News: आदिवासी बहुल 8 जिल्हयातील ओबीसी प्रवर्गाचे आरक्षण पुर्ववत करण्याचा निर्णय राज्यमंत्रीमंडळाने नुकताच घेतला होता. या निर्णयाची अंमलबजावणी करण्यात आली असून आज 23 सप्टेंबर रोजी शासनाने ओबीसीच्या आरक्षणाचे परिपत्रक निर्गमीत केेले आहे. त्यामुळे आता गडचिरोली जिल्हयात ओबीसीचे आरक्षण ( OBCReservation ) 6 टक्क्यावरून 17 टक्के लागू झाले आहे. आदिवासीबहुल 8 जिल्हयातील सुधारीत आरक्षणानुसार प्रत्येक जिल्हयाची सुधारीत बिंदूनामावली स्वतंत्रपणे निर्गमीत करण्यात येईल, असेही शासन परित्रकात स्पष्ट करण्यात आले आहे.

सुधारीत आरक्षणानुसार गडचिरोलीत जिल्हयात ओबीसी 17 टक्के, अनुसूचित जाती 12 टक्के, अनुसूचित जमाती 24 टक्के, विजा- अ 3 टक्केे, भज- ब 2.5 टक्के, भज – क 3.5 टक्के, भज- ड 2 टक्के, विमाप्र 2 टक्के, ईडब्लूएस 10 टक्के आणि खुला प्रवर्ग 24 टक्के असे आरक्षण लागू झाले आहे.

हेही वाचा: बापरे…..15 वर्षीय मुलीवर तब्बल 29 जणांनी 8 महिने केला बलात्कार, 26 गिरफ्तार

नोकरभरती कोणत्या निकषानुसार होणार… !

गडचिरोली जिल्हयात ओबीसींना 17 टक्के आरक्षण देण्याचा ऐतिहासीक निर्णय राज्यातील महाविकास आघाडी सरकाराने घेउुन तो आता लागू केला आहे. मात्र प्रश्न असा उपस्थित होत आहे की, हे 17 टक्के आरक्षण गडचिरोली जिल्हयात सरसकट लागू होणार की केवळ बिगरआदिवासी क्षेत्रात लागू होणार हे स्पष्ट करण्यात आलेले नाही. 9 जून 2014 च्या राज्यपालांच्या अधिसूचनेनुसार पेसा क्षेत्रात सदर नोकरभरतीची अधिसूचना लागू झाली. या अधिसूचनेनुसार वर्ग 3 व 4 ची तब्बल 17 पदे केवळ आदिवासी उमेदवारांमधून भरावयाची आहेत. गडचिरोली जिल्हयातील तब्बल 80 टक्के गावे पेसा क्षेत्रात समाविष्ट आहेत. यामध्ये अशी 400 ते 500 गावे आहेत की या गावात ओबीसी प्रवर्गाची लोकसंख्या अनुसूचित जमातीच्या लोकसंख्येपेक्षा अधिक आहे परंतू हे गावे पेसा मध्ये आहेत. त्यामुळे ओबीसींना लागू करण्यात आलेल्या 17 टक्के आरक्षणाचा लाभ पेसा मध्ये समाविष्ट असलेल्या गावातील ओबीसी उमेदवारांना मिळणार काय, असा प्रश्न उपस्थित होत आहे.