 |
| राजुरा तालुक्यात वीज पडून शेतकरी जागीच ठार |
Chandrapur News: काल दुपारी अचानकपणे आलेल्या पावसात वीज पडून वारलु जंगळुजी रामटेके (४५) रा. लक्कडकोट या शेतकऱ्याचा जागीच मृत्यू झाल्याची घटना खिर्डी शिवारात घडली आहे. खिर्डी शिवार लक्कडकोट पासून २ कि.मी अंतरावर आहे. बारलु रामटेके आपल्या शेतात कामे करीत होते.
दरम्यान दुपारी अचानकपणे विजाच्या कडकडाटासह पाऊस कोसडू लागला. त्यामुळे जीव वाचविण्यासाठी सुरक्षित ठिकाणी जात असतानाच वारलू रामटेके यांच्यावर वीज पडली आणि त्याचा जागीच मृत्यू झाला.
सदर घटनेची माहिती शेजारील शेतकऱ्यांना होताच त्यांनी तात्काळ धाव घेतली आणि पोलीस व महसूल विभागातील अधिकाऱ्यांना घटने संदर्भात माहिती देण्यात आली. मृतकाच्य मागे आई, बाबा, पत्नी व दोन भाऊ आहेत.