 |
| शिवराजपुर-उसेगाव शेतशिवारातील एका झाडाला गळफास घेऊन आत्महत्या |
वडसा (गडचिरोली):- वडसा तालुक्याच्या शिवराजपुर-उसेगाव शेतशिवारातील कुसुम येलतुरे यांच्या शेताजवळ एका अज्ञात इसमाने गळफास घेऊन आत्महत्या (Wadsa Suicide) केल्याची घटना आज,शनिवारी 19 ऑक्टोंबरच्या दुपारी उघडकीस आल्याने परिसरात एकच खळबळ उडाली आहे. (Wadsa Suicide | Desaiganj Suicide)
मिळालेल्या माहितीनुसार, शिवराजपुर-उसेगाव शेतशिवारातील कुसुम येलतुरे यांच्या शेताजवळील एका झाडाला अज्ञात इसमाने दोरीच्या सहाय्याने गळफास घेऊन आपली जीवन यात्रा संपविली आहे. अनोळखी व्यक्तीचे अंदाजे वय (30 वर्षे ) असाव. गळफास (Suicide) घेतलेल्या अज्ञात इसमाने अंगात पांढऱ्या रंगाची टी-शर्ट व निळ्या रंगाचे जीन्स पँट घातलेले आहे.
पोलिसांनी दिलेल्या माहितीनुसार, सदर व्यक्तीची ओळख अजून पर्यंत पटलेली नसून इसमाच्या पँटच्या खिशात केवळ गुटख्याची पुडी मिळाली असल्याचे बिट अंमलदार मदन मडावी यांनी सांगितले. सदर व्यक्तीने आत्महत्या का केली व ती व्यक्ती कुठली आहे; या बाबत पोलिसांनी तपास केला असता अद्याप कुठलाही सुगावा हाती लागलेला नाही.
