चिमूर:– चिमूर – वरोरा रोडवरील बोथली – खानगाव जवळ स्विफ्ट डिझायर कारने दुचाकी वाहनास धडक दिल्याने अपघातात दोन व्यक्ती जखमी झाले आहेत.
सविस्तर वृत्त असे की, MH-34, BU-9247 क्रमांकाच्या गाडीने एकनाथ वामन गजभिये वय वर्षे 40 व सौ. बेबीनंदा एकनाथ गजभिये वय वर्षे 37 राहणार बाम्हणी हे चिमूर वरून वरोरा येथे दुचाकी वाहनाने निघाले असता. मागून येणाऱ्या स्विफ्ट डिझायर MH-49 , AS-2217 या गाडीने धडक दिल्याने अपघातात दोन व्यक्ती जखमी झाले. धडक देऊन गाडी चालक फरार झाला. अपघाताची माहिती नागरिकांना होताच ताबडतोब जखमींना चिमूर येथील उपजिल्हा रुग्णालय येथे उपचाराकरिता भरती करण्यात आले.चिमूर येथील उपजिल्हा रुग्णालयात जखमीवर प्राथमिक उपचार सुरू आहेत.
