तालुका प्रतिनिधी / वरोरा : शेतातील गोठ्याजवळ वाघ दिसल्याने शेतकऱ्याने आरडा ओरडा केला त्या आवाजाने ग्रामस्थांनी शेताकडे धाव घेतली वाघ झुडपात असल्याने तो दिसला नाही. त्यामुळे काही ग्रामस्थ वाघाच्या जवळून जात होते. ग्रामस्थांच्या दिशेने वाघाने झेप घेतली. समय सुचकता दाखवीत दोन युवकांनी नदीपात्रात उडी घेतल्याने ते बाल बाल बचावल्याचे मानले जात आहे. सदर घटना 17 जानेवारी रोजी सकाळी दहा वाजताच्या सुमारास वरोरा तालुक्यातील वडगाव गावाच्या शेत शिवारात घडली.
वरोरा तालुक्यातील माठेळी गावानजीक वडगाव गाव आहे. गावाच्या शेतशिवारात हरिदास तुराणकर यांच्या शेतातील गोठ्याजवळ वाघ दिसल्याने हरिदास तुराणकर यांनी आरडाओरडा करणे सुरू केले.
घटनास्थळावर वाघाचे पग मार्क आढळून आले. तो अडीच ते तीन वर्षाचा असण्याची शक्यता आहे. या परिसरात गस्त सुरू करण्यात आली आहे.