गडचिरोली:- प्राप्त झालेल्या प्राथमिक माहितीनुसार पोर्ला येथील रमेश भोयर वय अंदाजे 45 ते 50 च्या दरम्यान असून या दुचाकी धारकाला ट्रकने जबर धडक दिल्याने जागीच ठार झाल्याची घटना आज दुपारी 1.00 वाजता घडली.
सविस्तर वृत्त असे की रमेश भोयर हे धानोरा वन विभागात क्लर्क म्हणून कार्यरत असून ते गडचिरोली वरून दुचाकीने धानोराकडे प्रवास करीत असताना दूधमाळा- चातगाव या रस्त्याच्या मार्गावर या दुचाकी धारकाला ट्रकने जबर धडक दिल्याने त्यांचा जागीच मृत्यू झाला अशी माहिती मिळालेली आहे. सदर प्रेत जिल्हा रुग्णालय गडचिरोली येथे नेण्यात आले आहे. या घडलेल्या अपघातामुळे भोयर परिवारावर शोककळा पसरली आहे.