'
30 seconds remaining
Skip Ad >

नागपूर: 12 वर्षीय अल्पवयीन मुलगी प्रेमसंबंधातून गर्भवती, 12 वर्षीय मुलीचे लावले लग्न, माझ्या पतीला सोडा मुलीची हाक - Batmi Express

0

Nagpur,crime in nagpur,crime Nagpur,Nagpur Crime,Nagpur LIve News,Nagpur Today,Nagpur LIve,

नागपूर
: नागपूर एमआयडीसी परिसरात एक धक्कादायक प्रकार उघडकीस आला आहे. येथील एक 12 वर्षीय अल्पवयीन मुलगी प्रेमसंबंधातून गर्भवती राहिल्यानंतर, तिच्या कुटुंबीयांनी तिचे लग्न लावून दिले आहे. हा प्रकार उघडकीस आल्यानंतर पोलिसांनी आरोपी पतीवर गुन्हा दाखल करत त्याला अटक केली आहे. पण 'माझ्या पतीला सोडा, मी स्व: खुशीने त्याच्याशी लग्न केले आहे' अशी आर्त हाक पीडित मुलीने पोलिसांना घातली आहे. त्यामुळे काय कारवाई करायची? याबाबत पोलीसही चक्रावून गेले आहेत.

पोलिसांनी दिलेल्या माहितीनुसार, पीडित अल्पवयीन मुलगी नागपूर एमआयडीसी परिसरातील रहिवासी आहे. काही वर्षांपूर्वीच तिच्या आईचं निधन झालं आहे. तर तिचे वडील हातमजूरी करतात. वडील कामावर गेल्यानंतर पीडित मुलगी एकटीच घरी राहायची. अशात शेजारी राहणाऱ्या एका 22 वर्षीय मुलासोबत तिची ओळख झाली. काही दिवसांतच त्यांच्या ओळखीचं रुपांतर प्रेमात झालं. वडील कामावर गेल्यानंतर पीडित मुलगी एकटीच घरी राहत असल्याने हा मुलगाच तिला आधार वाटू लागला होता.

या प्रेमसंबंधातून त्यांनी लैंगिक संबंध ठेवले असता, 12 वर्षीय अल्पवयीन मुलगी गर्भवती राहिली. ही बाब दोघांच्या कुटुंबीयांना कळाल्यानंतर त्यांनी फेब्रुवारीमध्ये दोघांचा विवाह लावून दिला. दोघंही नागपूर एमआयडीसी परिसरात भाड्याच्या खोलीत राहू लागले. पण हा प्रकार आशा वर्कर्सच्या लक्षात आल्यानंतर त्यांनी या घटनेची माहिती वरिष्ठांना दिली. वरिष्ठांनी याबाबत चौकशी केली असता, हा धक्कादायक प्रकार उघडकीस आला आहे.

या प्रकरणी पोलिसांनी आरोपी तरुणाविरोधात गुन्हा दाखल करत त्याला अटक केली आहे. पण 'माझ्या पतीला सोडा, मी स्व: खुशीने त्याच्याशी लग्न केले आहे. त्याची यामध्ये काहीच चूक नाही' अशी आर्त हाक पीडित मुलीने पोलिसांना घातली आहे. माझ्या पतीचा गुन्हा काय? आमच्या लग्नाबाबत कुणालाही आक्षेप नाही. मग त्याला अटक का केली? माझ्या पतीला सोडा, अशी विनवणी ती पोलिसांना करत आहे.


टिप्पणी पोस्ट करा

0 टिप्पण्या

कमेंट बॉक्समध्ये कोणत्याही लिंकचा प्रचार करू नका, बातम्यांशी संबंधित कमेंट करा.

टिप्पणी पोस्ट करा (0)

#buttons=(सहमती देता!) #days=(20)

आपला ब्राउझिंगचा अनुभव अधिक चांगला व्हावा, तुम्हाला तुमच्या आवडीच्या मजकुराची शिफारस करता यावी, यासाठी ही वेबसाईट कुकी किंवा तत्सम तंत्रज्ञान वापरते. आमची वेबसाईट वापरणं सुरू ठेवून आपण आमच्या अधिक जाणून घ्या


गोपनीयता धोरणाला आणि कुकी धोरणाला

सहमती देता.!
To Top
×