मुंबई : आज राज्यभरात तिथीनुसार शिवजयंती साजरी (Shiv Jayanti 2022 ) करण्यात आली. दादर येथील शिवाजी पार्क येथे मनसेच्या वतीने कार्यक्रमाचं आयोजन करण्यात आलं होतं. छत्रपती शिवाजी महाराज यांच्या जयंतीनिमित्त मुख्यमंत्री उद्धव ठाकरे (chief-minister-uddhav-thackeray ) यांनीही विधानभवनात शिवाजी महाराजांच्या प्रतिमेला पुष्पहार अर्पण केला, यावेळी उपमुख्यमंत्री अजित पवार आणि पर्यावरण मंत्री आदित्य ठाकरेही उपस्थित होते.दरम्यान, छत्रपती शिवाजी महाराजांच्या जयंती निमित्ताने आज दादर येथील शिवाजी पार्कात मनसेने जयंतीचा मोठा सोहळा आयोजित केला होता. या दिमाखदार सोहळ्याला हजारो मनसैनिक उपस्थित होते. संपूर्ण परिसरात भगवे झेंडे लावण्यात आले होते. त्यामुळे संपूर्ण परिसर भगवामय झाला होता. यावेळी हेलिकॉप्टरमधून छत्रपती शिवाजी महाराजांच्या पुतळ्यावर पुष्पवृष्टी करण्यात आली.
कमेंट बॉक्समध्ये कोणत्याही लिंकचा प्रचार करू नका, बातम्यांशी संबंधित कमेंट करा.