Chandrapur Corona Latest News: कोरोनाबाधितांच्या रुग्णसंख्येत लगातार वाढ होत असून जिल्ह्यात ॲक्टीव्ह रुग्णांची संख्या अठराशेच्या वर पोहचली आहे. गत 24 तासात जिल्ह्यात 98 जणांनी कोरोनावर मात केली असून त्या रुग्णांना रुग्णालयातून सुटी देण्यात आली. तसेच 352 नवीन रुग्ण बाधीत झाले आहे. तर मंगळवारी जिल्ह्यात एका बाधिताचा मृत्यू झाला आहे.
आरोग्य विभागाकडून प्राप्त अहवालानुसार, बाधित आलेल्या रुग्णांमध्ये चंद्रपूर महानगरपालिका क्षेत्रात 145, चंद्रपूर 45, बल्लारपूर 31, भद्रावती 9, ब्रह्मपुरी 6, नागभीड 7, सिंदेवाही 1, मुल 22, सावली 5, पोंभूर्णा 2, गोंडपिपरी 2, राजुरा 15, चिमूर 22, वरोरा 17, तर कोरपना 17, जिवती येथे 6 रुग्ण आढळून आले असून इतर ठिकाणी बाधित रुग्णांची संख्या शून्य आहे. आज मृत झालेल्यामध्ये बल्लारपूर तालुक्यातील एका पुरुषाचा समावेश आहे.
प्रशासनाचे आवाहन:- नागरिकांनी कोरोना पुर्णपणे संपला या मानसिकतेतून बाहेर यावे आणि मास्कचा वापर, वारंवार हात धुणे व सुरक्षीत अंतर राखणे या त्रीसुत्रीचा नियमित वापर करावा, स्वत:ची काळजी घ्यावी तसेच पात्र सर्व नागरिकांनी जवळच्या केंद्रावरून कोरोनाची लस घ्यावी, व प्रशासनाने दिलेल्या सूचनांचे पालन करावे, असे आवाहन जिल्हाधिकारी अजय गुल्हाने यांनी केले आहे.
