चंद्रपूर हादरला! 'प्यार तूने क्या किया', एकतर्फी प्रेमातून भररस्त्यात तरुणीवर चाकूनं सपासप वार; प्रेम केलं तिलाच रक्ताच्या थारोळ्यात पाडलं - BatmiExpress.com

प्रेम केलं तिलाच रक्ताच्या थारोळ्यात पाडलं

Crime in Chandrapur:  ऐन गणेश चतुर्थीच्या दिवशी चंद्रपूरात एक धक्कादायक घटना उघडकीस आली आहे. येथील एका तरुणानं एकतर्फी प्रेमातून (One sided love) एका तरुणीवर चाकूनं सपासप वार (Attack with knife) केले आहेत. आरोपीनं भररस्त्यात हे धक्कादायक कृत्य केलं आहे. यानंतर आसपासच्या लोकांनी रक्तबंबाळ झालेल्या तरुणीला जिल्हा सामान्य रुग्णालयात उपचारासाठी दाखल केलं आहे. पीडित मुलीचे अवस्था पाहून डॉक्टरही हैराण झाले आहे. या घटनेची माहिती मिळताच पोलिसांनी अवघ्या तीन तासात आरोपीला बेड्या ठोकल्या आहेत. या घटनेचा पुढील तपास पोलीस करत आहेत.

संबंधित घटना चंद्रपूर शहरातील महाकाली मंदिर मार्गावर गुरुवारी सायंकाळी सातच्या सुमारास घडली आहे. हल्ला केल्यानंतर या मार्गावरील एका सीसीटीव्ही कॅमेऱ्यात आरोपी पळून जाताना आढळला आहे. या थरारक घटनेनं परिसरात काही काळ तणावाचं वातावरण तयार झालं होतं. या घटनेची माहिती मिळताच पोलिसांनी घटनास्थळी दाखल होऊन पंचनामा केला आहे. या प्रकरणी पोलिसांनी अवघ्या तीन तासांत आरोपीला बेड्या ठोकल्या आहेत.