 |
| रस्त्यावर वाघ दिसताच दुचाकीस्वार रस्त्यावर पडला; |
देसाईगंज ते आरमोरी मार्गावर कोंढाळा जंगलादरम्यान रस्ता ओलांडणारा वाघ दिसताच दुचाकीस्वार खाली कोसळून जखमी झाला . त्याला उपचारासाठी नागपूरला हलविल्याचे सांगितले जाते . जंगलामधील कक्ष क्रमांक ५८ च्या हद्दीत हा अपघात घडला . प्रमोद दिनाजी कुकुडकर ( ३६ ) रा.बेडगाव ( ता.गडचिरोली ) हा युवक आरमोरीवरून वडसाकडे सकाळी ८ वाजताच्या दरम्यान रस्ता ओलांडत होता . वाघाला समोर पाहताच कुकुडकर घाबरला आणि त्याचे दुचाकीवरील नियंत्रण सुटले . त्यामुळे तो दुचाकीसह रस्त्यावर पडला .
देसाईगंजला हा युवक भाजीपाल्याचा व्यवसाय करीत असल्याने दररोज सकाळी देसाईगंजला जात असतो . सदर युवकाच्या पाठीला जखम झाली आहे . या घटनेची माहिती वन विभागाला कळविल्यानंतर कोंढाळा वनपरिक्षेत्र अधिकारी विजय धांडे , वन्यजीव अधिकारी आर.बी. इनवते , क्षेत्र सहायक के.वाय . कहाडे , वनरक्षक सलीम सय्यद यांनी जखमी इसमाला देसाईगंजला नेले . त्यानंतर गडचिरोली आणि नंतर नागपूरला उपचारासाठी नेले असल्याची माहिती आहे .
नोट: सदर बातमी हि अपडेट होत आहे.
