 |
| सावली तालुक्यात वाघाच्या हल्ल्यात महिलेचा मृत्यू |
Chandrapur News: जिल्ह्यात दिवसेंदिवस वाघांच्या हल्यात मृत्यूची वाढ होत चालली आहे. आज वाघाच्या हल्ल्यात महिलेचा मृत्यू झाल्याची घटना सावली तालुक्यातील व्याहळ बूज या गावात घडली. मृतक महिलेचे नाव गंगुबाई गेडाम (52 ) असं आहे.
हेही वाचा: धक्कादायक! गॅस गळतीमुळे एकाच कुटुंबातील सहा जणांचा मृत्यू
वाघाने घरामध्ये शिरकाव करत गंगुबाई गेडाम (52 ) या महिलेस ठार केल्याची धक्कादायक घटना घडली. घरात झोपायची तयारी करत असताना अचानक वाघाने हल्ला करून महिलेला घरातच ठार केल्याने परिसरात दहशतीचे वातावरण पसरले आहे.
घटनेची माहिती मिळताच वनअधिकारी घटना स्थळी पोहचले. नरभक्षक वाघाचा तात्काळ बंदोबस्त करण्याची नागरिकांनी वनविभागाकडे मागणी केली आहे.
