Bramhapuri News: ब्रम्हपुरी तालुक्यातील रणमोचन (खरकाळा) वैनगंगा नदीच्या काठावर एका महिलेचे मृत्यू असेलेले प्रेत दि.18 जून रोजी सायंकाळी 7.30 वाजता च्या सुमारास आढळून आल्याने रणमोचन (खरकाळा) परिसरात मोठी खळबळ उडाली होती.
त्यानंतर सदर घटनेची माहिती ब्रम्हपुरी पोलीस स्टेशन तात्काळ देण्यात आली होती व ब्रह्मपुरी पोलीस स्टेशनचे पोलीस निरीक्षक रोशन यादव यांनी त्या ठिकाणी जाऊन सदर महिलेचे प्रेत ब्रह्मपुरी येथे शवविच्छेदनासाठी पाठवण्यात आले आहे.
मृतक महिलेची नाव शालू गिरीधर चंदनखेडे वय (३५) अशा प्रकारे सदर महिलेची ओळख पटली गेली आहे. व महिला गडचिरोली जिल्ह्यातील कुरखेडा येथील रहिवासी असल्याची माहिती मिळाली आहे. एवढेच नाहीतर देसाईगंज (वडसा) ला लागून असलेल्या विरशी हे गाव तिचे माहेरघर असल्याची माहिती समोर आली आहे.
शालू चंदनखेडे या महिलेने ब्रह्मपुरी-वडसा महामार्गावरील वैनगंगा नदीवरील पुलावरून उडी घेऊन आत्महत्या केल्याचे समजते, पुढील तपास ब्रह्मपुरी पोलीस स्टेशनचे पोलीस निरीक्षक रोशन यादव यांच्या मार्गदर्शनात सुरू आहे.