Yavatmal Corona Outbreak: जिल्ह्यातील विविध तालुक्यात कोरोनाबाधितांची वाढती संख्या लक्षात घेता तालुकास्तरीय यंत्रणेकडून प्रतिबंधात्मक उपाययोजना प्रभावीपणे राबविण्यासाठी जिल्हाधिकारी अमोल येडगे यांनी आर्णि, महागाव व उमरखेड मध्ये जाऊन आढावा घेतला. आर्णि तालुक्यातील भंडारी येथील कोव्हीड केअर सेंटरला त्यांनी भेट देऊन पाहणी केली. तसेच भरती असलेल्या रुग्णांशी संवाद साधला. Read Also: राज्य में 10 वीं और 12 वीं की परीक्षा छूट गई तो क्या होगा? वर्षा गायकवाड़ द्वारा दी गई महत्वपूर्ण जानकारी
$ads={1}
लवकर निदान तसेच टेस्टिंग झाले आणि वेळेवर उपचार मिळाला तर नक्कीच रुग्णसंख्येला आळा बसेल. परिणामी मृत्युदर कमी होण्यास मदत होईल. त्या दृष्टीने नियोजन करा. प्रशासनाच्यावतीने ‘आम्ही यवतमाळकर……मात करू कोरोनावर’ ही मोहीम यशस्वीपणे राबवा, असेही त्यांनी सांगितले. यावेळी यवतमाळचे उपविभागीय अधिकारी अनिरुध्द बक्षी, तहसीलदार परसराम भोसले, तालुका आरोग्य अधिकारी श्यामसुंदर शिंदे, गटविकास अधिकारी आनंद लोहकरे, ठाणेदार पितांबर जाधव आदी उपस्थित होते.
उमरखेड येथे भेट व आढावा : उमरखेड येथील तालुकास्तरीय यंत्रणेचा आढावा घेतांना जिल्हाधिकारी श्री. येडगे म्हणाले, सर्व पॉझिटीव्ह रुग्णांना कोव्हीड केअर सेंटरला दाखल करा. पॉझिटीव्हीटी दर पाच टक्यांपेक्षा कमी करणे व मृत्युदर 0.5 टक्के आणणे याला प्राधान्य द्या. यावेळी त्यांनी मरसूळ येथील कोव्हीड केअर सेंटर व उमरखेड येथील ग्रामीण रुग्णालयाला भेट दिली.
बैठकीला उमरखेडचे उपविभागीय अधिकारी स्वप्नील कापडनीस, तहसीलदार आनंद देऊळगावकर, गटविकास अधिकारी प्रवीण वानखेडे, मुख्याधिकारी चारुदत्त इंगोले, तालुका आरोग्य अधिकारी डॉ. कपाळे, ठाणेदार संजय चौबे आदी उपस्थित होते. Read Also: शनिवारी व रविवारी वैध कारणाशिवाय नागरिकांनी घराबाहेर पडू नये - जिल्हाधिकारी शेखर सिंह