सोने-चांदीचे दर घसरले
न्युज वृत्त :- मौल्यवान धातूंमध्ये आज मोठी घसरण नोंदवली गेली आहे. शुक्रवार, २१ नोव्हेंबर रोजी सोन्या-चांदीच्या दरात अचानक घट झाल्यामुळे ग्राहकांनी दिलासा व्यक्त केला असून बाजारपेठेत चक्रमय वातावरण दिसून येत आहे.
आजच्या व्यवहारात २४ कॅरेट सोन्याच्या दरात तब्बल ७३२ रुपयांची घसरण झाली. गुरुवारी सकाळी प्रति १० ग्रॅम १,२२,८८१ रुपयांवर असलेले सोने आज घसरून १,२२,१४९ रुपये प्रति १० ग्रॅम एवढे झाले आहे.
फक्त सोनेच नव्हे तर चांदीचे दरही कोसळले आहेत. काल १,५५,८४० रुपये प्रति किलोग्रॅम असलेली चांदी आज सरळ १,५१,२७५ रुपये प्रति किलोग्रॅमवर येऊन स्थिरावली. म्हणजेच ४,४६५ रुपयांची मोठी घट चांदीच्या बाजारात नोंदवली गेली आहे.
दरकपातीमुळे ग्राहक आणि गुंतवणूकदारांमध्ये उत्सुकता वाढली असून सोन्या-चांदीच्या खरेदीसाठी बाजारात चांगली हालचाल दिसत आहे. विशेष म्हणजे, गेल्या आठवड्याच्या तुलनेत २४ कॅरेट सोन्याचा दर तब्बल ३,००९ रुपयांनी खाली आला आहे.
दरांमध्ये होत असलेली सततची घसरण दिवाळीनंतरच्या हंगामी ट्रेंडला अनुसरून असल्याचे तज्ज्ञांचे मत आहे. येत्या काही दिवसांत सोन्या-चांदीचे दर स्थिर होतील की आणखी घसरण होईल, याकडे सर्वांचे लक्ष लागून राहणार आहे.
कमेंट बॉक्समध्ये कोणत्याही लिंकचा प्रचार करू नका, बातम्यांशी संबंधित कमेंट करा.