- कुकडहेटी परिसरातील नागरिकांनी सोडला सुटकेचा निःश्वास
सिंदेवाही : ताडोबा अंधारी व्याघ्र प्रकल्पाच्या बफर क्षेत्रामध्ये येणाऱ्या कुकडहेटी परिसरात मागील दोन दिवसांपासून धुमाकूळ घालत एका १९ वर्षीय युवकाचा बळी घेणाऱ्या वाघाला जेरबंद करण्यात वनविभागाला यश आले आहे. सोमवारी रात्री ११ वाजताच्या सुमारास कुकडोटी डोरफोडी परिसरात लावलेल्या पिंजऱ्यात वाघ अडकल्याने नागरिकांनी सुटकेचा निःश्वास सोडला आहे. सिंदेवाही तालुक्यातील शिवणी वनपरिक्षेत्रात येणाऱ्या कुकडहेटी परिसरात काही दिवसांपासून जेरबंद झालेला वाघ दिसून येत होता. दोन दिवसांत वाघाने शेळ्या व डुक्कर मारल्याच्या घटना घडल्या होत्या.
कमेंट बॉक्समध्ये कोणत्याही लिंकचा प्रचार करू नका, बातम्यांशी संबंधित कमेंट करा.