दिनेश बनकर - आरमोरी/देऊळगाव: ०७/०१/२०२३ रोजी : आपल्या रोजच्या दैनंदिन जीवनामध्ये आपण महामंडळाच्या खात्या विषयी काहीना काही ऐकत असतो, तर त्याच प्रकारे आज एक घटना समोर आली. महात्मा फुले तथा कनिष्ठ महाविद्यालय देऊळगाव येथील शाळेचे मुलं-मुली दररोज महामंडळाच्या बसने प्रवास करतात. शाळेची सुट्टी झाली आणि मुला मुलीं आपल्या परतीच्या प्रवासाला बस स्टॉपयेऊन बस ची वाट पाहत बसले होते. रोजच्या नियमानुसार एक लोकल बस येऊन देऊळगाव च्या बस स्टॉप ला थांबली असताना मुला - मुलांची गर्दी खूप जास्त असल्यामुळे त्या बसमध्ये जागा अपुरी पडली. ही गोष्ट लक्षात न घेता गाडीच्या बस चालकाने खाली उतरून एका मुलीला रागामध्ये येऊन तिच्या अंगावर हात उचलला आणि तिला मारहाण केली. त्या अचंबित करणाऱ्या प्रकारामुळे ती मुलगी खूप रडायला लागली. तेथील ही बाब लक्षात येताच देऊळगाव येथील लोकांनी त्या बस चालकावर लोक रागावून गेले. तेथील लोकांचे म्हणणे न ऐकता त्या बस चालकाने गाडी सुरु करून गडचिरोली ला निघून गेला. तेथील लोकांची मागणी अशी होती की, त्या चालकाने त्या मुलीची माफी मागावी पण लोकांच्या भावना न समजून घेता आणि माफी न मागता सरळ निघून गेला. या कारणामुळे तेथील लोकांच्या मनामध्ये आक्रोश निर्माण झाला.
देऊळगाव येथील नागरिकांनी कितीतरी दिवसापासून देऊळगाव येथे सुपर बस थांबा द्यावा म्हणून गडचिरोली येथील डेपोला विनंती केली पण सुपर बसचा थांबा काही मिळाला नाही. देऊळगावला सुपर बसचा थांबा खूपच आवश्यक आहे, कारण पाच गाव मिळून एक थांबा आहे. तरीपण तिथे आजही सुपर बसेस थांबत नाही ही पण गोष्ट खुप दिवसापासून नागरिकांच्या मनात आहे. तेथील नागरिकांची मागणी आहे की, या बाबीवर लवकरात लवकर अंमलबजावणी करावी. अशी मागणी देऊळगावचे नागरिक करत आहेत. सुपर बसचा थांबा मिळाला असता तर आज ही अशी बाब आपल्याला बघायला मिळालेली नसती. कारण तिथे त्या लोकल बस मध्ये मुलांची अतोनात गर्दी झालीच नसती. आणि असा प्रसंग घडलाच नसता.
शाळकरी मुली सांगतात की गाडीचे चालक, मालक वाईट वृत्तीने मुलीच्या अंगावर हात घालतात आणि त्यांना मारतात सुद्धा. अशा गोष्टी आम्हाला सहन होत नाही तरीपण आम्हाला या गाड्यांमध्ये प्रवास करावा लागतो कारण खाजगी वाहने आम्हाला परवडणारे नसते. आणि तशीच गोष्ट आज घडलेली आहे त्याच्यामुळे देऊळगाव येतील लोकांमध्ये खूप आक्रोशाचे वातावरण निर्माण झालेले आहे. तितक्यात आरमोरी पोलिसांनी देऊळगाव येथील घटना स्थळावर धाव घेतली. पोलिसांनी तिथे येऊन लोक खूप रागात आहेत ही बाब लक्षात घेऊन त्यांनी त्या जागेवर येऊन नियंत्रण मिळवला. त्यानंतर दोन तासांनी गडचिरोली डेपोचे मुख्य कर्मचारी तिथे आले. घटनास्थळी येऊन लोकांची समजूत काढली आणि म्हटले की जो काही प्रसंग झाला त्याबद्दल आम्ही तुमची माफी मागतो, आणि ज्या कर्मचाऱ्यांनी ही गोष्ट केलेली आहे त्या कर्मचार्याला नोकरीवरून निलंबित करु. अशी हमी मुख्य कर्मचाऱ्यांनी दिली. काही वेळाने पोलीस कर्मचारी त्या मुलीला घेऊन शिक्षकांसोबत पोलीस स्टेशनला गेले आणि त्या चालकावर गुन्हा नोंदविला गेला.
