गोंदिया ( Gondia Accident ): कशाशीही तुलना करता येत नाही अशी ती मैत्री. मैत्रीत अनेक जण शेवटपर्यंत एकत्र राहणयाच्या आणाभाका घेतात. पण मैत्री अखेरपर्यंत निभावणारे हे मोजकेच असतात. अशाच जिगरी आणि जिवाभावाच्या 4 मित्रांचा कार अपघातात ( Car Accident ) दुर्देवी मृत्यू झालाय. तर एकावर उपचार सुरु आहे. या घटनेमुळे संपूर्ण महाराष्ट्र हळहळत आहे. अपघाताची ही घटना विदर्भातील गोंदिया जिल्ह्यात घडली.जिल्ह्यातील सडक अर्जुनी तालुक्यातील खोबा गावाजवळ हा अपघात झालाय. हे 4 मृत तरूण हे आमगाव तालुक्यातील असल्याची माहिती आहे. हे 5 मित्र नवेगावबांध इथे सोलर पंप फिटिंगच काम करण्यासाठी गेले होते.हे काम पूर्ण करुन परतत असताना घात झाला.
परतताना गाडी चालवणाऱ्या तरुणाचा ताबा सुटला. कारवरील नियंत्रण सुटले आणि कार रस्त्यावरून खाली कोसळली. यात 4 मिंत्रांचा जागीच मृत्यू झाला. तर यातील गंभीर जखमी झालेल्या तरुणावर रुग्णालयात उपचार सुरू आहेत. एकाच वेळी 4 मित्रांचा मृत्यू झाल्या महाराष्ट्रातून हळहळ व्यक्त केली जात आहे. तर दुसऱ्या बाजूला 4 मित्र आपल्याला सोडून गेल्याचा जोरदार धक्का हा अपघातात गंभीर जखमी झालेल्या तरुणाला बसला आहे.रामकृष्ण बिसेन (24 वर्ष), सचिन कटरे (24 वर्ष), संदीप सोनवण (18 वर्ष) आणि निलेश तुरकर (27 वर्ष) अशी मृत तरुणांची नावे आहेत. तर प्रदीप बिसेन वर (24 वर्ष) उपचार सुरु आहेत.