चंद्रपूर: सात अल्पवयीन मुलीवर शिक्षकानेच अत्याचार केल्याचा धक्कादायक प्रकार जिल्हाचा शेवटचा टोकावर असलेल्या जिवती तालुक्यात घडला आहे. अल्पवयीन विद्यार्थिनींना पेपर तपासण्याच्या बहाण्याने कार्यालयात बोलावून वर्षभरापासून अत्याचार केल्याची तक्रार पालकांनी केली आहे. याप्रकरणी नराधम शिक्षक अच्छुत खोबाजी राठोड (49) याला जिवती पोलिसांनी अटक केली आहे.
जिवती तालुक्यातील एका गावात पहिली ते पाचवीपर्यंतच्या जि.प.शाळेत आरोपी नराधम शिक्षक अल्पवयीन मुलींना कार्यालयात आळीपाळीने बोलवायचा. त्यानंतर अश्लिल चाळे करुन अत्याचार करायचा. हा प्रकार गेल्या एक वर्षापासून सुरु असून एका मुलीने आईला ही घटना सांगितल्यानंतर आरोपी शिक्षकाचा प्रकार समोर आला. याप्रकरणी जिवती पोलीस ठाण्यात तक्रार दाखल केल्यानंतर पास्को अंतर्गत गुन्हा दाखल करुन अटक केली आहे.
आरोपी शिक्षकाने सात विद्यार्थिनींसोबत असा घृणास्पद प्रकार केला.आरोपी शिक्षकाला मंगळवारी न्यायालयात हजर करणार असल्याची माहिती पोलिसांनी दिली. घटनेचा तपास महिला पोलीस उपनिरीक्षक करीत आहे.
कमेंट बॉक्समध्ये कोणत्याही लिंकचा प्रचार करू नका, बातम्यांशी संबंधित कमेंट करा.