सावली : पोलीस स्टेशन सावली हद्दीतील व्याहाड ते गडचिरोली रोडवरील चुनारकर पेट्रोलपंप येथे २९ मार्च २०२२ रोजी रात्री दरम्यान अज्ञात इसमांनी पेट्रोल पंपावरील डिझेल टॅंकच्या होलमध्ये पाईप टाकून १ हजार ८९ लिटर डिझेल चोरी झाल्याचे पेट्रोलमालकास लक्षात आले. ही घटना माहित होताच रोहणकर पेट्रोलपंप येथे सुद्धा २७ मार्च २०२२ रोजीच्या रात्रीदरम्यान अशाचप्रकारे १ हजार ६४० लिटर डीझेल काढून चोरी झाल्याचे रोहणकर पेट्रोलपंप मालकास लक्षात आले. दोन्ही प्रकरणात एकूण २ हजार ७२१ लिटर डिझेल फी २,६७,२३४ रु. चोरी झाल्यावरून फिर्यादीने १ एप्रिल २०२२ रोजी दिलेल्या रिपोर्टनुसार अज्ञात आरोपीविरुद्ध भादवी कलम ३७९,३४ गुन्हा नोंद करण्यात आला.
Most Read News
सदर गुन्ह्याच्या तपासात पथक नेमून तांत्रिक मदतीने तसेच प्राप्त माहिताच्या आधारे रात्री दरम्यान गडचिरोली रोडवरील पट्रोल पंपावर पेट्रोलींग करत पाळतठेवली होती. त्यानुसार २ एप्रिल २०२२ दरम्यान चुनारकर पेट्रोलपंप परीसरात बोलोरो वाहन संशयतरित्या उभी दिसून आली असता त्यात असलेल्या दोन इसमाना कसोशीने विचारपुस केली असता त्यांनी उपरोक्त दोन्ही पेट्रोल पंपावरील रात्री दरम्यान टॅंक मध्ये पाइप टाकून संक्शन पंपाद्वारे डिझेल चोरी केल्याचे कबुल केले. पोलिसांची चाहूल लागताच बाहेर फिरत असलेले सदर आरोपीताचे सहकारी आरोपी पळून गेले. Most Read Newsसदरचा गुन्हा निष्पन्न झाला असून आरोपी काशीनाथ उर्फ विजय हत्ते (२४) रा. आलमडा, ता. औसा जि. लातूर, पिंटू पोपट पवार (३४) रा. येरमाळा ता. कळंब जि. उस्मानाबाद यांना गुन्हयात अटक केली असून पोलीस कस्टडीत आहेत. यातील फरार आरोपी यांचा शोध घेणे सुरू आहे.
सदरची कारवाई पोलीस अधिक्षक अरविंद साळवे, अपर पोलीस अधीक्षक अतुल कुलकर्णी, उपविभागीय पोलीस अधिकारी मल्लकार्जुन इंगळे, पो. स्टे. सावली ठाणेदार आशिष बोरकर यांच्या मार्गदर्शनाखाली पो.उप. नि. शशिकर चिचघरे, सहा. फौजदार रामकिसन बोधे, नापोका केवल तुरे, करमचंद दुर्गे पोलीस कॉन्स्टेबल धिरज पिंदुरकर यांनी केली.
सदरची कारवाई पोलीस अधिक्षक अरविंद साळवे, अपर पोलीस अधीक्षक अतुल कुलकर्णी, उपविभागीय पोलीस अधिकारी मल्लकार्जुन इंगळे, पो. स्टे. सावली ठाणेदार आशिष बोरकर यांच्या मार्गदर्शनाखाली पो.उप. नि. शशिकर चिचघरे, सहा. फौजदार रामकिसन बोधे, नापोका केवल तुरे, करमचंद दुर्गे पोलीस कॉन्स्टेबल धिरज पिंदुरकर यांनी केली.
