High profile sex racket exposed | हाय प्रोफाईल सेक्स रॅकेटचा पर्दाफाश
पिंपरी : पिंपरी चिंचवड शहरात अवैध पद्धतीने सुरू असलेल्या हाय प्रोफाईल सेक्स रॅकेटचा पर्दाफाश करण्यात आला आहे. पोलिसांनी एका लॉजवर छापेमारी करत या रॅकेटचा पर्दाफाश केला आहे. या प्रकरणी दोन जणांना अटक केली आहे. तसेच वेश्या व्यावसायात गुंतलेल्या एका अभिनेत्रीसह दोन अन्य तरुणींची सुटका केली आहे. सामाजिक सुरक्षा पथकाने बुधवारी ताथवडे परिसरातील येथील लॉजवर ही छापेमारी केली आहे. या घटनेचा पुढील तपास वाकड पोलीस करत आहेत.
जितेंद्र हस्तीमल बोकाडिया उर्फ हितेश हस्तीमलजी ओसवाल असे अटक केलेल्या 48 वर्षीय आरोपीचे नाव आहे. तो सध्या वाघोली परिसरातील राहत असून तो मूळचा राजस्थानातील रहिवासी आहे.
हे देखील वाचा:
｜आईने स्वतःच्याच मुलीला बलात्कार करायला लावलं! एकदाच नाही तर अनेकवेळा बलात्कार
पोलिसांनी दिलेल्या माहितीनुसार, आरोपी जितेंद्र आणि हेमंत हे साथीदार मुकेश, करण, युसूफ यांच्या मदतीने हे हाय प्रोफाईल सेक्स रॅकेट चालवत होते. व्हॉट्सॲपच्या माध्यमातून आरोपी वेश्या व्यावसायासाठी तरुणींना विविध लॉजवर पाठवत होते. याठिकाणी तरुणीच्या नावावर बुकींग केले जायचे. त्यानुसार ग्राहकांना पाठवून वेश्या व्यवसाय करवून घेतला जात होता. पण सामाजिक सुरक्षा पथकाला याबाबत गुप्त माहिती मिळाली होती.
त्यानुसार पोलिसांनी बनावट ग्राहक पाठवून या सेक्स रॅकेटचा पर्दाफाश केला आहे. यावेळी पोलिसांनी एका अभिनेत्रीसह अन्य दोन तरुणींची सुटका केली आहे. त्यानंतर पोलिसांनी संबंधित तरुणींच्या मदतीनेच दोन्ही आरोपींच्या मुसक्या आवळल्या आहेत. वेश्या व्यवसायाचे पैसे घेऊन जाण्यासाठी बोलावून पोलिसांनी आरोपींना अटक केली आहे. सुटका केलेल्या मुलींमध्ये एक छत्तीसगडची अभिनेत्री आहे. दुसरी राजस्थान तर तिसरी मुंबई येथील आहे. यावेळी पोलिसांनी आरोपींकडून 10 हजार रुपये रोख रक्कम, 9 हजार 500 रुपये किमतीचे दोन मोबाईल फोन आणि इतर साहित्य जप्त केले आहे. या घटनेचा पुढील तपास वाकड पोलीस करत आहेत.
