वरोरा:- कॉईलमध्ये वापरल्या जाणाऱ्या कॉपर तारेने पतंग उडवणे चंद्रपूर जिल्ह्यातील बालकाला महागात पडले. पतंग उडविताना कॉपर मांजाचा उच्च दाब विजवाहक तारांना स्पर्श झाल्यावर जोरदार धक्का लागल्याने आदित्य येटे नामक 11 वर्षीय बालक गंभीर जखमी झाला आहे.
हे देखील वाचा:
｜चंद्रपूर | युवकांनी देशसेवा करण्यासाठी सदैव तत्पर रहावे- डॉ.मंगेश गुलवाडे
चंद्रपूर जिल्ह्यातल्या वरोरा शहरानजीकच्या बोर्डा परिसरात ही धक्कादायक घटना उजेडात आली. महापारेषण अधिकार्‍यांना घटनेची माहिती मिळताच पथक घटनास्थळी दाखल झाले. पथकाने कॉपर तारांचे पतंगबाजीसाठी वापरले जाणारे रीळ व अन्य साहित्य ताब्यात घेतले. कॉपर तारांचा स्पर्श झाल्याने या भागातील वीज पुरवठा काही क्षणांसाठी खंडित झाला होता.
दरम्यान जखमी अवस्थेतील आदित्य येटे याला चंद्रपूरच्या खाजगी रुग्णालयात दाखल करण्यात आले आहे. डॉक्टर त्याच्या प्रकृतीवर नजर ठेवून आहेत. या घटनेनंतर पतंगबाजीत दंग असलेल्या आपल्या चिमुरडयांकडे काळजीपूर्वक लक्ष देण्याची गरज व्यक्त होत आहे.
कमेंट बॉक्समध्ये कोणत्याही लिंकचा प्रचार करू नका, बातम्यांशी संबंधित कमेंट करा.